जिल्हा क्रीडा पुरस्कार
: २०१५
मा. जिल्हाधिकारी तथा अध्यक्ष,
जिल्हा क्रीडा पुरस्कार निवड समिती, सातारा यांच्या अध्यक्षते खाली नियुक्त मा.उपसंचालक,
क्रीडा व युवक सेवा, कोल्हापुर विभाग, मा. जिल्हा क्रीडा अधिकारी,सातारा, श्री. विश्वतेज
मोहिते, शिवछत्रपती पुरस्कार्थी व श्री. अमोल पालेकर, गुणवंत क्रीडा मार्गदर्शक या
निवड समिती सदस्यांमार्फत जिल्हा क्रीडा पुरस्कारासाठी प्राप्त झालेल्या अर्जातून
सन २०१५ करिता गुणवंत खेळाडू (पुरुष व महिला) व गुणवंत क्रीडा कार्यकर्ता/संघटक
पुरस्कार्थींची निवड करण्यात आलेली आहे. पुरस्काराचे स्वरुप
प्रमाणपत्र,सन्मानचिन्ह,रोख रक्कम रु.१०,०००/- असे आहे.
जिल्हा क्रीडा
पुरस्काराचे वितरण मा.ना.श्री.विजय शिवतारे, राज्यमंत्री, जलसंपदा, जलसंधारण, संसदीय कार्ये तथा पालकमंत्री,सातारा
यांच्या शुभ हस्ते दि.२६ जानेवारी, २०१६ रोजी मुख्य ध्वजारोहण कार्यक्रमानंतर
होणार आहे.
सन २०१५ च्या जिल्हा
क्रीडा पुरस्काराचे मानकरी पुढील प्रमाणे:
गुणवंत खेळाडू
पुरस्कार : (पुरुष प्रवर्ग )
è शिवराज प्रदिप ससे
(नेमबाजी) : जिल्हा क्रीडा पुरस्कारांतर्गत गुणवंत खेळाडू पुरस्कार. (थेट
पुरस्कार)
दि. ११ ते २४ जानेवारी, २०१२ या
कालावधीत दोहा (कतार) येथे आयोजित करण्यात आलेल्या १२ व्या आशियाई कनिष्ठ गट
नेमबाजी अजिंक्यपद क्रीडा स्पर्धेत सहभागी होऊन, ०३ सुवर्ण व ०२ रौप्य पदक संपादन
केलेल आहेत. सन २०१३-१४ मध्ये आयोजित ५८ व्या राष्ट्रीय वरिष्ठ गट स्पर्धा, पुणे व
३५ व्या राष्ट्रीय स्पर्धा (नॅशनल गेम्स्‍), केरळ यामध्ये रौप्य व कास्य पदक
संपादन केलेले आहे. तसेच त्याने अनेक राष्ट्रीय व राज्यस्तर स्पर्धेत प्राविण्य संपादन
केले आहे
è अनिकेत विकास पवार
(मल्‍लखांब) : जिल्हा क्रीडा पुरस्कारांतर्गत गुणवंत खेळाडू पुरस्कारार्थी.
सन २०१३-१४ वर्षात आयोजित
करण्यात आलेल्या २८ व्या कनिष्ठ गट राष्ट्रीय मल्‍लखांब क्रीडा स्पर्धेत प्रथम व
द्वितीय क्रमांक संपादन केलेला आहे.
गुणवंत खेळाडू
पुरस्कार : (महिला प्रवर्ग )
è कु. एकता दिलीप
शिर्के (धनुर्विद्या) : जिल्हा क्रीडा पुरस्कारांतर्गत गुणवंत खेळाडू
पुरस्कारार्थी.
२१ व २२ व्या वरिष्ठ गट राष्ट्रीय
धनुर्विद्या क्रीडा स्पर्धेत सुवर्ण, रौप्य व कास्य पदक संपादन केले. १०,११,१२ व
१३ व्या वरिष्ठ गट राज्य धनुर्विद्या अजिंक्यपद क्रीडा स्पर्धेत
कास्य,रौप्य,सुवर्ण पदक प्राप्त केलेले आहे. तसेच ३५ व्या राष्ट्रीय स्पर्धेमध्ये
(नॅशनल गेम्स्‍) प्रथक क्रमांक संपादन केलेला आहे.
गुणवंत क्रीडा
मार्गदर्शक पुरस्कार :
è श्री. चंद्रहास उर्फ
मनोज लक्ष्मण कान्हेरे (बॅडमिंटन): जिल्हा क्रीडा पुरस्कारांतर्गत गुणानुक्रमे क्रीडा
मार्गदर्शक पुरस्कारार्थी.
सातारा
जिल्हा बॅडमिंटन संघटनेच्यावतीने बॅंडमिंटन खेळाचे अनेक खेळाडूंना प्रशिक्षण देत
असून, त्यांनी अनेक विविध स्तरावरील खेळाडू निर्माण केलेले आहेत. निलेश फनसळकर,
विक्रम पवार, वैभव अंबिके अतुल पाटील, दिग्विजय पवार, ओंकार पवार, सत्यजित जगधने,
हर्ष जगधने, अक्षय कदम इ. खेळाडूंनी वरिष्ठ जिल्हा अजिंक्यपद क्रीडा स्पर्धेत
सहभागी होऊन प्राविण्य संपादन केलेले आहे.
गुणवंत क्रीडा
कार्यकर्ता / संघटक पुरस्कार :
è श्री.ललित मनोहर
सातघरे ( टेबल टेनिस ): जिल्हा क्रीडा पुरस्कारांतर्गत
गुणवंत क्रीडा मार्गदर्शक पुरस्कारार्थी.
सातारा जिल्ह्यात टेबल
टेनिस या खेळाचा,चर्चासत्र व प्रात्यक्षिकांच्या आयोजना द्वारे प्रचार व प्रसार
केला. सातारा जिल्हा टेबल टेनिस संघटनेवर खजिनदार व सचिव म्हणून काम केले. टेबल
टेनिस खेळाच्या ८ जिल्हास्तर,१ विभागस्तर व १ राज्यस्तर स्पर्धेचे आयोजन केले.सातारा
जिल्हा वरीष्ट गटाच्या संघाचे संघ व्यवस्थापक म्हणून त्यांनी ९ वर्ष काम केले.सन
२००७ पासून कै.सुधीर माजगावकर क्रीडा प्रशिक्षण केंद्रामध्ये खेळाडूंना टेबल टेनिस
खेळातील अद्ययावत असे रोबोद्वारे प्रशिक्षण देत आहेत.
उपरोक्त पुरस्कारार्थींचे हार्दिक अभिनंदन व
पुरस्कारार्थींनी जिल्हा क्रीडा पुरस्कार प्रदान सोहळ्यास उपस्थित राहण्याबाबत
विनंती करण्यात येत आहे.
००००००
