केंद्र शासनाच्या पंचायत युवा क्रीडा व
खेळ अभियानांतर्गत सन २०१२-१३ या वर्षातील राज्यस्तर महिला क्रीडा स्पर्धांच्या गट
क्र.-२ (हॅण्डबॉल,हॉकी व लॉनटेनिस) आयोजनाची जबाबदारी जिल्हा क्रीडा अधिकारी
कार्यालयावर सोपविण्यात आलेली आहे. या स्पर्धांचे आयोजन खालील कार्यक्रमानुसार
करण्यात येणार आहे.
॥ राज्यस्तरीय महिला क्रीडा (गट-२) स्पर्धा कार्यक्रम ॥
हॉकी, हॅण्डबॉल व लॉन टेनिस:
|
१. स्पर्धा कालावधी
|
:
|
दि. १९ ते २२ ऑक्टोबर, २०१२.
|
|
२. स्पर्धा स्थळ
|
:
|
मुधोजी महाविद्यालय व मुधोजी क्लब,
फलटण.
|
ही स्पर्धा
वरील कालावधीत फलटण एज्युकेशन सोसायटीच्या संयुक्त विद्यमाने मुधोजी
महाविद्यालयाच्या मैदानावर हॅण्डबॉल व हॉकी आणि मुधोजी क्लब येथे लॉन-टेनिस या
खेळांसाठी आयोजित करण्यात येणार आहे.
या
स्पर्धेमध्ये राज्यातील अमरावती, औरंगाबाद, मुंबई, नागपूर, नाशिक, पुणे, लातूर व
कोल्हापूर विभागातून प्रत्येकी एक संघ सहभागी होणार आहेत, तर महिला हॉकीसाठी
क्रीडा प्रबोधिनाचा संघ सहभागी होणार आहे. हॉकी, हॅण्डबॉल व लॉन-टेनिस या
स्पर्धेसाठी एकूण २८० महिला खेळाडू फलटण येथे एकत्र होणार आहेत, या खेळाडूंची
निवास व भोजन व्यवस्था फलटण येथील श्रीमंत शिवाजीराजे इंग्लिश मिडीयम स्कूल, गिरवी
रोड येथे करण्यात आलेली आहे.
या स्पर्धेतून
निवड झालेल्या खेळाडूंचा महाराष्ट्र राज्याचा संघ दि. २ ते ५ नोव्हेंबर, २०१२ या
कालावधीत पतियाळा, पंजाब येथे होणार्‍या राष्ट्रीय महिला स्पर्धेत सहभागी होणार
आहे.
या स्पर्धेचा
उद्‌घाटन समारंभ शनिवार, दि.२० ऑक्टोबर, २०१२ रोजी सकाळी १० वाजता सातारा जिल्हा
परिषदेचे उपाध्यक्ष मा.श्रीमंत संजीवराजे नाईक निंबाळकर यांच्या शुभहस्ते व मा. श्रीमंत रघुनाथराजे नाईक निंबाळकर,
नगराध्यक्ष, फलटण नगरपालिका यांच्या अध्यक्षतेखाली आयोजित करण्यात आलेला आहे.
