बॅडमिंटन सभासदत्व

श्रीमंत छत्रपती शाहू जिल्हा क्रीडा संकुल,सातारा येथे बॅडमिंटन हॉलमधील वूडन फ्लोअरींग करण्याचे काम पूर्ण करण्यात आले असून, या कामाचा लोकापर्ण सोहळा मा.पालकमंत्री महोदयांच्या हस्ते दि.०१ मे, २०१५ रोजी संपन्न झालेला आहे.

जिल्हा क्रीडा संकुलात नव्याने चार बॅडमिंटन कोर्टस्‌ उपलब्ध झालेले असून, हे सर्व कोर्टस्‌ खेळण्याकरिता बॅडमिंटन खेळाडू, नागरिक, जिल्हा बॅडमिंटन संघटना यांना उपलब्ध करुन देण्यात येत आहेत.

बॅडमिंटन खेळासाठी सकाळी ६ ते ९ व सायंकाळी ४ ते १० या कालावधीत प्रत्येकी एका तासाच्या बॅचेस करण्यात येणार आहेत. यापूर्वीच्या सभासदांना प्राधान्याने नव्याने सभासदत्व देण्यात येणार आहे.

बॅडमिंटन खेळासाठी सभासदत्व शुल्क ८ व्यक्तींसाठी प्रति कोर्ट प्रति माह रु.१०,०००/- (अक्षरी रु.दहा हजार फक्त) ठेवण्यात आलेले आहे. तसेच शालेय खेळाडूंसाठी प्रति खेळाडू  एक तासासाठी रु.१,०००/- (अक्षरी रु.एक हजार फक्त) इतके शुल्क आकारण्यात येत आहे.

उपरोक्त प्रमाणे आरक्षण शुल्क भरणा करुन, आपले सभासदत्व निश्चित करण्यात यावे,.

दरांचा तक्ता खालीलप्रमाणे :

रु.१०,०००/- (अक्षरी रु.दहा हजार फक्त)प्रति आठ सभासदांसाठी

रु.१,०००/- (रु.एक हजार  फक्त) प्रति खेळाडू

मासिक

 

तेनसिंग नॉर्गे राष्ट्रीय साहस पुरस्कार, २०१४

           केंद्र शासनाच्या युवक कल्याण योजने अंतर्गत  तेनसिंग नॉर्गे राष्ट्रीय साहस पुरस्कारासाठी देण्यात येतो. या पुरस्कारासाठी गत तीन वर्षाची खेळाडूंची कामगिरी लक्षात घेतली जाईल. साहसी उपक्रम हे जमिनीवरील, समुद्रावरील व हवेमधील असणे आवश्यक आहे. खेळाडूंची कामगिरी अतिउत्कृष्ट असणे आवश्यक असुन, त्याबाबतची माहिती दोन ते तीन पानामध्ये इंग्रजी व हिंदी भाषेमध्ये असणे आवश्यक आहे.

तेनसिंग नॉर्गे राष्ट्रीय साहस पुरस्कार २०१४ नामांकनाचे प्रस्ताव दिनांक १२ मार्च, २०१५ अखेर जिल्हा क्रीडा अधिकारी कार्यालय, श्रीमंत छत्रपती शाहू जिल्हा क्रीडा संकुल, सातारा येथे सादर करावेत. 

इ. १० वी व १२ च्या खेळाडू विद्यार्थ्यांना सवलतीचे २५ गुण मिळण्याकरिता जिल्हा क्रीडा संघटनांनी करावयाच्या कार्यवाहीबाबत...

माध्यमिक शालांत प्रमाणपत्र (इ.१०वी) व उच्च माध्यमिक शालांत प्रमाणपत्र (इ. १२वी) परीक्षेस प्रविष्ठ होणारे राज्य, राष्ट्रीय व आंतरराष्ट्रीय पातळीवर सहभागी झालेले  खेळाडू विद्यार्थी परीक्षेत अनुत्तीर्ण झाल्यास, त्यांना उत्तीर्ण होण्याच्या किमान मर्यादेपर्यंत क्रीडा सवलतीचे वाढीव २५ गुण केवळ उत्तीर्ण होण्यासाठी देण्याबाबत शासनाने मान्यता प्रदान केलेली आहे.

            सन २०१4-१5 या वर्षात एकविध खेळांच्या अधिकृत राज्य संघटनांनी आयोजित केलेल्या राज्य, राष्ट्रीय, आंतरराष्ट्रीय क्रीडा स्पर्धेत सहभागी होणारे व प्राविण्य संपादन करणारे इ. १० व इ. १२ वीचे खेळाडू विद्यार्थी अनुत्तीर्ण झाल्यास त्यांना उत्तीर्ण होण्यासाठी सवलतीचे वाढीव २५ गुण अनुज्ञेय राहतील.

            सदर वाढीव गुणांचा लाभ विद्यार्थ्यांना मिळण्यासाठी आपल्या संघटनेच्या अधिकृततेबाबतची खालील कागदपत्रे या कार्यालयास सादर करावीत.

१.     जिल्हा संघटनेचे संस्था नोंदणी अधिनियम, १८६० व मुंबई सार्वजनिक विश्वस्तव्यवस्था अधिनियम, १९५० अन्वये नोंदणी केलेल्या प्रमाणपत्रांच्या साक्षांकित केलेल्या प्रती.

२.     जिल्हा संघटनेच्या घटनेची साक्षांकित प्रत.

३.     राज्य संघटनेस जिल्हा संघटना संलग्न राज्य संघटनेचे पत्र.

४.     राज्य, राष्ट्रीय़, आंतरराष्ट्रीय स्तरावरील क्रीडा स्पर्धांचे परिपत्रक.

५.     राज्य, राष्ट्रीय़, आंतरराष्ट्रीय स्तरावरील क्रीडा स्पर्धेत सहभागी झालेल्या खेळाडूंच्या प्रवेशिका.

६.     राज्य, राष्ट्रीय़, आंतरराष्ट्रीय स्तरावरील क्रीडा स्पर्धांची भाग्यपत्रिका.

७.     राज्य, राष्ट्रीय़, आंतरराष्ट्रीय स्तरावरील क्रीडा स्पर्धांचे गुणपत्रक. (सांघिक खेळ)

८.     राज्य, राष्ट्रीय़, आंतरराष्ट्रीय स्तरावरील क्रीडा स्पर्धांचा वजनगटनिहाय वजन घेतलेबाबत खेळाडूंची स्वाक्षरी असलेला तक्ता व भाग्यपत्रिका.(वैयक्तिक खेळ)

९.     राज्य, राष्ट्रीय़, आंतरराष्ट्रीय स्तरावरील अथलेटिक्स व जलतरण स्पर्धांचा बाबनिहाय कार्यक्रम. 

१०. राज्य, राष्ट्रीय़, आंतरराष्ट्रीय स्तरावरील क्रीडा स्पर्धांचे अंतिम निकालपत्र.

११. राज्य, राष्ट्रीय़, आंतरराष्ट्रीय स्तरावरील क्रीडा स्पर्धांत सहभागी झालेल्या खेळाडूंच्या साक्षांकित याद्या विहीत नमुन्यात दोन प्रती.

१२. राज्य संघटनेचे अध्यक्ष व सचिव यांची नावे व त्यांच्या स्वाक्षरीच्या नमुन्याचे पत्र.

      वरील सर्व कागदपत्रांची पूर्तता या कार्यालयाकडॆ करण्यात यावी. परिपूर्ण कागदपत्रांसह सादर केलेला प्रस्ताव क्रीडा गुण सवलतीच्या कार्यवाहीसाठी विचारात घेण्यात येईल. संघटनेकडून प्रस्ताव प्राप्त न झाल्यास अथवा प्रस्तावातील  वर नमूद केलेली कागदपत्रे अपूर्ण राहिल्याने संबंधित खेळाच्या विद्यार्थ्यांना वाढीव गुण न मिळाल्यास त्यास जिल्हा क्रीडा अधिकारी कार्यालय जबाबदार राहणार नाही. विद्यार्थ्यांच्या होणा-या नुकसानीस पूर्णपणे संबंधित संघटना जबाबदार राहील याची नोंद घ्यावी.